Kalayaan?

Noong mayo 2023, nasa hapag kainan kami at tinanong ako ng aking mga magulang kung pursigido na ba ko maging isang pulis, bata palang ako ay pangarap ko na maging isang pulis dahil ako ay namangha sa aking ama dahil siya ay isang pulis, ngunit isang araw nakaramdam ako ng pagbabago sa aking gusto. Ako ay na pepressure dahil hindi ako ready pumili ng magiging strand ko sa senior high school, dito ko naramdaman na nag bago na ang aking gusto, gusto ko na maging isang medtech, ngunit hindi aayon ang aking ama dahil gusto niyang maging isa akong PNPA, gusto niyang mag exam ako ng entrance exam sa PNPA pag ka graduate ko ng high-school ngunit ayaw ko dahil hindi para sa akin ang kursong ito, gusto kong ituloy ang pinili kong maging medtech. Sana pumayag siya sa gusto kong kursong kunin.  Kalian kaya ako makakalaya sa gantong sitwasyon na ito?

Ano nga ba ang kalayaan? Kailan ko nga ba ito matatamasa? Hindi maiiwasan ang mga pangarap ng mga magulang para sa kanilang anak. Subalit, minsan ay tila ba ito'y nagiging mista ng paglalakbay na nagdadala sa pagkawala ng sariling desisyon at pangarap ng kabataan. Bata pa lamang ako ay nandito na ko sa sitwasyon na ito kung saan hindi ko napipili ang tunay kong desisyon. Sa ganitong sitwasyon ramdam kong ako'y walang boses upang mag bigay ng aking saloobin, natitiyak ko na sa oras na ako'y hindi umayon sa kanilang nais, mali agad ako. Alam kong sila ay nag mamagandang loob lang ngunit sa kanilang pamamaraan ng pag tulong na hahadlangan ang tunay kong gusto. Sa mundong ito hindi lahat ng inaakala nating mapapabuti sa isang tao ay totoo, kailan kaya ako mag kakaroon ng boses at kailan kaya mag titiwala sa akin ang aking mga magulang? na sa ganitong bagay ako naman, ako ang kikilos at ako ang mag dedesisyon. Sa ganitong sitwasyon dito ako nawawalan ng kalayaan, dahil ako'y kontrolado. Kabutihan ko ang nais nila ngunit hindi iyon ang mag bibigay ng kapayapaan, kasiyahan at kalayaan sa aking puso't isipan.

Sa kabila ng ganitong pagsubok, ang pakiramdam ng pag kawala ng kalayaan ng isang kabataan, ay hindi dapat ituring na katapusan na, na talo ka. Ang katapangan na ipahayag ang iyong sariling nais at pangarap sa kabila ng mga bagay na pumipigil sayo, isa lamang itong aksyon, upang makuha ang tunay na kalayaan, dahil sa pagkamit nito, mas nag kakaroon ang mga kabataang nakaranas ng ganitong sitwasyon, ng mas masaya, may pag asa at kapayapaan ng isipan at mas masiglang paglalakbay tungo sa hinaharap.